Түсіндірме жұмыстары жүргізілді
«Nur Otan» партиясы Қармақшы аудандық филиалында аудандық жұмыспен қамту, әлеуметтік бағдарламалар және азаматтық хал актілерін тіркеу бөлімімен бірлесіп мүмкіндігі шектеулі азаматтарды жұмысқа орналастырудың 2-4% квотасын сақтау қажеттілігін түсіндіру мақсатында еңбек ұжымдарымен кездесу өтті.
Кездесуге «Nur Otan» партиясы Қармақшы аудандық филиалының есепке тіркеу және статистика секторының меңгерушісі Жалелова Гүлзат Арыстанбекқызы, аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің сектор меңгерушісі Медешов Әділхан Боханбайұлы, осы бөлімнің бас маманы Татишов Әділбек Мамыртайұлы, аудандық халықты жұмыспен қамту орталығы директорының орынбасары Балтабай Нұрлыбек Балтабайұлы және мекеме басшылары қатысты.
Кездесу барысында «2021 жылға мүгедектер үшін жұмыс орындарына квота белгілеу туралы» қаулысына сәйкес бекітілген квота шеңберінде орындалатын жұмыстар бойынша түсіндірме жұмыстары жүргізіліп, қатысушылар тарапынан қойылған сұрақтарына тиісті жауаптар берілді.
