"Тәуелсіз елге - білімді ұрпақ" тақырыбында аудандық семинар өтті. 2021 жылдың 24 ақпан күні Қармақшы аудандық білім бөлімінің әдістемелік кабинетінің жоспарына сәйкес Төретам кенті, Жанқожа батыр атындағы 269 орта мектепте "Тәуелсіз елге - білімді ұрпақ" тақырыбында аудандық семинар өтті. Мақсаты: қазіргі заманғы ақпараттық технологияның ауқымды даму кезеңінде заман талабына сай мұғалімге қажетті дағдылар мен болашаққа деген көзқарастарын дамытуға көмектесу, жұмысындағы нәтижесінің сапасын арттырудың негізгі бағыты барлық тәрбиелік істе әрбір баланы жеке тұлға деп танып біліп, жан-жақты қалыптастыруда талмай іздену мен жаңалықтан қалмау қажеттілігін сезінуге жетелеу.Әріптестер арасында тың идеялармен алмасуға жағдай тудыру.Мектепте оқу мен оқытудағы жаңа тәсілдерді оқу-тәрбие үдерісіне енгізу арқылы Тәуелсіз елге - білімді ұрпақты қалыптастыру. Осы мақсатта бастауыш сынып мұғалімдері әр түрлі тақырыптарда сабақтар мен коучингтер көрсетіп, мұғалімдер өзара тәжірибе алмасты.