Балалар бақ сынады

Биыл ел Тәуелсіздігіне – 30 жыл. Атаулы мерекеге орай ІІІ Интернационал ауылының онлайн кітапханасы «Тәуелсіздік – тұғырым»айдарымен "Мен Тәуелсіздікті жырлаймын" тақырыбында оқырмандар арасында байқау ұйымдастырды. Іс-шараның негізгі мақсаты–Отандысүюге, туған елге адал қызмет етуге тәрбиелеу, ақын-жазушылардың өлеңін сүйіп оқу.

– Меценат М.Сәрсенбаевтың демеушілігімен өткізілген челлендж-жарысқа кітапхананың кішкентай оқырмандарынан бастап әр түрлі жастағы оқушылар қатысты. Қорытындылау барысында 15 қаңтар мен 28 қаңтар арасында өлең жолын жатқа айтқан 17 оқырманға сый-сияпат жасалды, – дейді ұйымдастырушы Рима Тұрманова.

Жаңа жыл жақсы бастамамен басталғанын ескерсек, жыл соңына дейін де түрлі іс-шаралар ұйымдастырылмақ.