Қастерлі Тәуелсіздігімізге 30 жыл

Мемлекет басшысының жыл басында жарық көрген "Тәуелсіздік бәрінен қымбат" атты көлемді мақаласын оқып шықтым. Педагог ретінде бұл мақаланың "Ұлағат пен ұстаным" атты бөлімінде саяси жаңғыру мәселесіне кеңінен тоқтала келіп, елімізде адамның құқығын сақтауға негізделген заң мен тәртіп болу керектігін баса айтады. "Біздің мақсатымыз - келер ұрпаққа Қазақстанды тұғыры мығым, экономикасы қуатты, рухы асқақ мемлекет ретінде табыстау және елдік істерді шашау шығармай лайықты жалғастыратын жасампаз ұрпақ тәрбиелеу" делінген.

Ол үшін ХХІ ғасыр - білім мен біліктің дәуірі екендігін, әр адам өзін үздіксіз жетілдіріп, үнемі заман ағымына бейімделу арқылы ғана бәсекелік қабілетін арттыра алатынына ерекше мән береді. "Жастар - қашанда тың идеялардың қайнар көзі, оң өзгерістердің қозғаушы күші" деп өскелең ұрпаққа сенім артады. Президенттің әрбір жолдау мен мақаласында білім саласы назардан тыс қалған емес. Қолдаудан да кенде емеспіз.

Біз өз кезегімізде Мемлекет басшысының маңызды мақаласын жас ұрпаққа білім мен тәрбие берудегі алдағы жұмыстарымызға жаңаша тың серпін береді деп ойлаймыз.