Теміржолдың бойында қауіп көп
Теміржол обьектісінде қылмыс пен құқықбұзушылықтың алдын алу,балаларды қараусыз қалдырмауды ескерту, сондай-ақ кәмелетке толмағандар арасындағы қайғылы жағдайлардың алдын алу мақсатында Жосалы станциясындағы желілік полиция бөлімшесінің қызметкерлері үнемі көлік нысанына жақын орналасқан оқу орындарында, көлік саласы мекемелерінде түсіндірме жұмыстарын жүргізіп отырады.
Онда кәмелетке толмағандарға теміржолдың аса қауіпті аймақ екендігі, теміржолға жақын орналасқан және үйіне қарай өтіп бара жатқан жасөспірім бірінші кезекте өзіне қауіп төндіретіні туралы түсіндіріледі.Өзінің абайсыздығынан, ойынға берілген жасөспірімдер өтіп бара жатқан поездың астына түсіп кетуі мүмкін.Себебі теміржолда белгіленбеген жерлер арқылы (тұрған поездың астынан,артынан өту,темір жол қоршауының ішінде жүру), поездардың алдынан жүгіріп өтуі, рельстерге бөгде заттарды қою,өтіп бара жатқан поездардың терезелеріне тас лақтыру сияқты әрекеттердің соңы төтенше жағдайларға әкеліп соғады.Сонымен қатар, теміржол арқылы поезд алдынан жүгіріп өту салдарынан поездардың жедел тежегіштерін іске қосуға тура келеді. Ал оның салдары бара жатқан поездың тоқтап қалуына әкеп соғады.Төтенше жағдай мен қайғылы оқиғалардың кішкентай ғана нарседен туындайтыны өмірден белгілі.Осыған қарамастан Жосалы станциясындағы желілік полиция бөлімшесінің қызмет ету аймағында 2021 жылдың қаңтар айында теміржолдан белгіленбеген жерден өткені үшін ҚР ӘҚБтК-нің 559 бабының 5 бөлігіне сай 5 азаматқа әкімшілік шара қолданды.
Жосалы ст.ЖПб-нің бастығы
полиция майоры
К.А.Әлиев
полиция майоры
К.А.Әлиев
