Ана тіліне жетік, ата-баба дәстүріне бекем, дініне адал, ұлтына мейірбан Елбасы Нұрсұлтан Әбішұлы 30 жылда ел сенімін ақтады. 100-ден аса ұлтты ынтымақпен басқарып, ың-шыңсыз «Тар жол, тайғақ кешуден» алып шықты. Қантөгіссіз өткен 30 жыл ширек ғасырдың емес, тұтас дәуірдің жүгін арқалап тұр. Ел аман, жұрт тыныш болса, алдымызда әлі талай асу бар. Осы күнге дейін жеткен жетістіктер – толағай. Барды бар, жоқты жоқ дейік. Барға тәубә етейік. Елсіз, жерсіз жүргендер де бар. Олар – бізге қызыға да қызғана қарайды.

Ел Президенті Қасым-Жомарт Тоқаев өз мақаласында осының бәрін жүйелі жеткізген. Олай болса біз, елдің татулығын, ынтымағын жыр етейік. Көшбасшымыздың сара саясатының қолдаушысы болайық. Өз тілімізде сөйлеп, өз дінімізді мақтан етейік. Міне, сонда ғана, тәуелсіздіктің жанашыры, оның қорғаны болуға лайықпыз. Әйтпесе, құр кеуде кергеннен, омырауды тоқпақтағаннан ұтарымыз аз. Тәуелсіздік – талай ердің аңсаған жақұты.