Қазіргі дерт – жемқорлық

Хәкім Абай «Бала анадан туғанда екі түрлі мінезбен туады» дейді ғой. Сол екі мінездің бірі – көрсем, білсем деген бала болса, ендігісі – ішсем, жесем дейтін ой. Бізге соның қайсысы дұрыс? Әрине, көрсем, білсем деген баланың бар санасын жақсыға баулып, адал еңбекке үйрете білу керек. Себебі жас шыбықты қалай исең солай өсіп шығады. Бала да сол секілді. Жастайынан жақсы тәрбие беріп, обал болады, ұят боладымен, тәйтпен өсірсең ол баладан артық қылық шыға қоймас. Қазіргі қоғам дерті – сыбайлас жемқорлық. Оны қанша айтқанымызбен, азаймай тұрғаны өкінішті. Алдын алу үшін жоғарыда айтқандай баланы адал жолға үйретсек, болашағымыз да кемел болмақ.