Күллі елді тіршілік көзімен қамтамасыз етіп отырған бірден-бір ірі кешен ол – ауыл шаруашылық өнеркәсібі. Қазіргі таңда елдегі мал өсірумен айналысатын ірілі ұсақты шаруашылықтар өз қарамағындағы мал басын арттырып қана қоймай, оны асылдандыру арқылы мол пайда табудың жолына көшуде. Алайда, асыл тұқымды мал сатып алып, оны бағып өсіріп, будандастырып, одан алынған төлді күтіп баптаудың өзі көп еңбекті қажет етеді. Дегенмен, сапалы жем-шөп пен жақсы күтімнің арқасында тез жетіліп, пайдаға асқан мал басы аталған шығындарды жауып, қосымша пайда көзіне қол жеткізері анық. Бірақ мал азығына жұмсалған шығындар құнын арзандату үшін төленетін субсидия қағидаға сәйкес қаншалықты жүріп жатыр?

Осы тақырып төңірегінде мәселенің оңтайлы ісін қарауда аудандық ауыл шаруашылық бөлімінің басшысы Әсет Омаров ауыл шаруашылық сала өкілдерімен «Nur Otan» партиясының мәжіліс залында кездесті. Онда субсидияның тиімді тұсын жүргізу үшін тиісті құжаттар дайындалу керектігін айтты. Жиынға қатысушылардың пікірін тыңдап, ұсыныстарын қабылдады.