Мобильді топ жұмысы жалғасуда

Қызылорда облысы Бас мемлекеттік санитариялық дәрігерінің облыс бойынша шектеу шараларын, оның ішінде карантинді кезең-кезеңмен жеңілдету туралы 31 қазандағы №25 қаулысын жергілікті тұрғындарға, мекеме қызметкерлері мен кәсіпкерлерге түсіндіру мақсатында Қармақшы аудандық әкімдігі, Прокуратура, Аудандық ішкі істер бөлімі, СЭС және Ішкі саясат бөлімінен құралған мониторингтік топтың жұмысы жалғасуда.

Аталмыш топ 10 қараша күні Абай көшесі бойындағы ХҚКО, Қармақшы аудандық архиві, "KMF" микроқаржылық ұйымы, Кірістер басқармасы, т.б мекемелермен қатар "Рүстем", "Алатау", "Жандос", "Аякөз", "Думан", "Жанар" және тағы да бірқатар дүкендер мен сұлулық салондарын, кафелер мен дүңгіршіктерді аралап ақпараттандыру жұмыстарын жүргізді.