"Ана мен бала денсаулығы" тақырыбында онлайн кездесу өтті

Қармақшы аудандық емханасының жалпы тәжірбиелік дәрігері (әрі қарай ЖТД) Айгерім Булакбаева «Ана мен бала денсаулығы» тақырыбында Жосалы кентінің тұрғындарымен онлайн (Ватсап платформасы арқылы) кездесу өткізілді.

Кездесу барысында туу жасындағы әйелдер жүктілікті жоспарлаған кезде ЖТД келіп арнайы профилактикалық тексеруден өтуі міндетті екенін айтып, қан талдауы, зәр талдауы, қынап жұғындысынан сынама алу туралы бейін мамандар кеңесін алу қажеттігін жеткізді.

Жалпы аудан бойынша туу жасындағы әйелдер саны 6900, оның ішінде жүкті әйелдер саны 437, ал жыл басынан босанғандар саны 650 әйел құрайды.

Онлайн кездесуде кент тұрғындары дәрігерге өздерінің сауалдарын жолдап, тұщымды жауаптар алды.