Жаһандық пандемияға ұласқан COVID-19 вирусы жер шарындағы 155-тен астам мемлекеттің, соның ішінде Қазақстанның аумағын да бір шарпып өткені белгілі. Індеттің географиялық ауқымы бәсеңдеп, құрбандарының саны да азайған болатын.

Соңғы жаңалықтарға сәйкес, коронавирустық инфекцияның қайта өршу қаупі туындауда. Осы тұста індеттің профилактикасы бағытында аудан орталығында дыбыс зорайтқыш құрал арқылы, жергілікті тұрғындарға түсіндірме жұмыстары жүргізілді.

«Дана халқымызда «Кемедегінің жаны бір» деген ұлағатты сөз барын білесіздер. Осынау сын сағатта ортақ істен ешкім де сырт қалмауға тиіс. Әрбір азамат өзінің қолынан келетін үлесін қосуға тиіс» деген Президент Қасым-Жомарт Тоқаевтың Қазақстан халқына үндеуін басшылыққа ала отырып, аудан тұрғындарынан дүрбелеңге бой алдырмай, сақтық шараларын қатаң сақтануды ұсынамыз.