«Гендерлік саясаттың қоғамдағы орны» тақырыбында семинар өтті

Қармақшы аудандық сотында «Гендерлік саясаттың қоғамдағы орны» тақырыбында семинар сабағы өткізілді.

Семинарға аудандық соттың кеңсе меңгерушісі Е.Мәтжанов және сот қызметкерлері қатысты.

Семинар сабақтың негізгі мақсаты – гендерлік теңдік саясатының негізгі мазмұны мен мәнін түсіндіру, сонымен қатар, осы гендерлік теңдік саласында жағдайды жақсарту бағытында жүргізіліп жатқан іс-шаралар туралы семинар сабағына қатысушыларға айтып жеткізу.

Өз баяндамасында бас маман Қ.Есханов, гендерлік саясат - бұл ерлер мен әйелдердiң мiнез-құлқын, сондай-ақ олардың арасындағы әлеуметтiк өзара қарым-қатынасты айқындайтын, олардың әлеуметтiк және мәдени нормалары мен рөлдерiнiң жиынтығы екендігін атап өтті.

Сонымен қатар, Елбасының тарапынан арнайы гендерлік саясатқа қатысты тапсырма берілгенін және сол тапсырма бойынша Қазақстан Республикасында 2006-2016 жылдарға арналған Гендерлік теңдік стратегиясы дайындалып, Елбасы Жарлығымен бекітілгендігін және стратегияның мақсаты ерлер мен әйелдерге тең құқықтар қалыптастыру болып табылатынын айтып өтті.

Шара соңында қатысушылар өзара пікірлерімен алмасты.