Тасаттық. Тамырға сіңген ата дәстүр көпшіліктің санасына жаңбыр сұрау немесе күннің күркіреуін тілеу сынды көрінісімен таныс. Ал бұл жолы берілген тасаттық мүлдем ерек.

Ол – Алла разылығы үшін қайыр садақа беру мағынасында қолданылады. Жақсылықты үндеу, Алладан ел болып, дұға жасау, ауызбіршілікті насихаттауы тағы бар. Ең бастысы – таза ниет.

Індет жайлаған қиын уақытта елдің амандығын тілеген "Абай-Дәулет" ЖШС директоры М.Абайұлы аудандық орталық ауруханасында ірі қара сойып, Құран бағыштады. Мал еті күн-түн демей қызмет атқарып жүрген ақ халатты абзал жандар мен науқастарға ыстық тамаққа берілді. Сондай-ақ, жомарт жан ІІІ Интернационал ауылы атынан облыстық медициналық орталыққа, облыстық жұқпалы аурулар ауруханасына, қалалық ауруханаға арнайы ұжым қызметкерлерді жұмылдырып, мал сойып, Тәңірге тасаттық берді.