Елімізде бір жылда халық саны көбейді ме?
Қазақстан халқы бір жыл ішінде 236 мың адамға өсті, - деп хабарлайды Tengrinews.kz тілшісі ҰЭМ Статистика комитетінің деректеріне сілтеме жасап.
2020 жылғы 1 қаңтарға еліміздегі халық саны – 18 632,2 мың адам болды, оның ішінде қалалықтар – 10 893,8 мың (58,5 пайыз), ауылдықтар – 7 738,4 мың адамды (41,5 пайыз).
2019 жылғы 1 қаңтармен салыстырғанда халық саны – 236,5 мың адамға немесе 1,3 пайызға өсті. Қарастырылып отырған кезеңде ең көп жалпы өсімі еліміздің 3 өңірінде: Алматы қаласы (62,2 мың адам), Нұр-Сұлтан қаласы (57,6 мың адам) және Түркістан облысында (36,4 мың адам) қалыптасты.
