Туризм – болашаққа бағдар
Жақында С.А.Джиенкулов атындағы Байқоңыр колледжінде «Туризм-болашаққа бағдар, рухани жаңғыру» апталығының жабылу салтанаты болып өтті. Салтанатты шараны арнайы пәндер бірлестігінің жетекшісі Ш.Е.Назарова ашып беріп, қазіргі заманның жетекші мамандығы қатарына кіретін «Туризм» мамандығының еліміз үшін алатын орны ерекше екенін, соңғы жылдары туризм саласында көптеген бағдарламалар жасалғанын, сол себептен елімізде де бұл саланың дамуы қарқынды екенін айтты. Апталыққа белсенді қатысқан білім алушыларға колледж директоры атынан дипломдар, алғыс хаттар, мадақтамалар берілді.
«Ұлы даланың жеті қыры» атты ғылыми конференцияда 1-орынды Ш-171 топ студенті Шылмырзаева Фаризат, 2-орынды Т-181 топ студенті Амирбекова Наргиз, 3-орынды О-192 топ студенті Ералиев Дамир жеңіп алды. «Туризм сарқылмас саяхат» атты интеллектуалды сайысында Т-181 тобы жеңіске жетті. «Спорт және туризм» спорттық сайысында 1-ші және 2-ші курс студенттерінен құралған «Сұңқар» тобы озық шығып жеңіс тұғырына жетті. Бұл апталықта арнайы пән оқытушысы С.Қ.Айбосынова білімгерлердің білім алуға деген қызығушылығын арттыратын оқытудағы жаңа әдіс-тәсілдерді кеңінен қолдана білді және өз шығармашылығын шыңдап, педаглогикалық шеберлігін көрсете білді. Студенттер мамандық бойынша жақсы білім деңгейлерін көрсете алды. Ерінбей еңбек етіп, үйретері мол апталықты ұйымдастырған арнайы пән оқытушысы С.Қ.Айбосыноваға алғыс айтып, шығармашылық табыстар тілейміз.
