Кеше Дауылкөл ауылдық клуб үйінде облыстық мәслихаттағы «Nur Otan» партиясы депутаттық фракциясының мүшесі мен мемлекеттік орган басшылары бірлесіп көшпелі қабылдау өткізді.Қабылдауға облыстық мәслихат депутаты Әбдікәрімов Шәкизада, облыстық құрылыс, сәулет және қала құрылысы басқармасы басшысының орынбасары Қонарбаев Сұлтанбай Көшкенбайұлы, облыстық білім басқармасы басшысының орынбасары Бердаулетов Багдат Камбузович, облыстық жер қатынастары басқармасы басшысының орынбасары Қарабаев Ғалымжан Мырзахметұлы, «Nut Otan» партиясы Қармақшы аудандық филиалы төрағасының бірінші орынбасары, аудандық мәслихат депутаты Буханов Дастан Әбдібекұлы және бөлім басшылары қатысты.
Қабылдау барысында тұрғындар тарапынан бөбекжай ашу және егістікке су беру және аяқ су секілді өзекті мәселелер көтерілді. Сонымен қатар, облыс мәслихат депутаты және мемлекеттік орган басшылары тұрғындардың көтерілген ұсыныстары бойынша түсіндірме жұмыстарын жүргізді.