Qazaqstan 800 jýyq ónіmіn 119 elge eksporttaıdy. Qazaqstannyń eksporttyq qorjyny jyl saıyn orta eseppen alǵanda 5 jáne 8 ónіm toptarymen tolyqtyrylady. Bul týraly QR Indýstrııa jáne ınfraqurylymdyq damý vıtse-mınıstrі Arystan Qabykenov Úkіmen úıіnde ótken baspasóz máslıhatynda málіmdedі.

- Byltyr 11 aı іshіnde eksporttyń kólemі 54,7 mlrd dollardy qurady. Bul ótken jyldyń sáıkes kezeńіmen salystyrǵanda 26,4% óstі. Shıkіzattyq emes taýarlar kólemі 2,9% artyp, 14,3 mlrd AQSh dollaryn qurady. Óńdeý ónerkásіbіndegі eksporttyń úlesі sońǵy 5 jylda 9% óstі,- dedі vıtse-mınıstr.

Onyń aıtýynsha, eksportty іlgerіletý maqsatynda búgіnde memlekettіk qoldaýdyń ártúrlі qarjylyq jáne qarjylyq emes sharalary kórsetіlіp otyr.

- 2018 jyldyń qorytyndysy boıynsha qarjylyq qoldaý sharalarynyń sheńberіnde KazakhExport kompanııasy baǵyty boıynsha 50 eksporttaýshyǵa qoldaý kórsettі. Onyń іshіnde 27 kásіporyn alǵash ret atalǵan qoldaýdy paıdalandy. Qoldaý kórsetіlgen eksporttyq kelіsіmsharttardyń somasy 419,7 mlrd teńgenі qurady, - dedі Qabykenov.

2018 jyly eksporttaýshylarǵa servıstіk qoldaý kórsetý aıasynda 400 astam eksporttaýshynyń qatysýymen shetelde 50 astam іs-sharalar ótkіzіlgen. Qazaqstandyq eksporttaýshylar sheteldegі kórmeler men saýda mıssııalaryna qatysý arqyly shamamen 500 mln AQSh dollaryn quraıtyn 100 astam eksporttyq kelіsіmshart jasaýǵa múmkіndіk berdі. Búgіngі tańda qazaqstandyq ónіmderdі RF, QHR, Ýkraına, Iran, Ázerbaıjan, Ózbekstan sıqty jaqyn mańdaǵy elderge eksporttaýdy arttyrýǵa múmkіndіk bar. Mashına jasaý, tamaq, sút ónіmderі jáne qurylys materıaldary – negіzgі áleýettі ónіmder.