Azi'ada-2018: Juldyz Es'imova ku'mis ju'ldege i'e boldy

I'ndonezi'ia jerinde o'tip jatqan Azi'ia oyyndarynda Qazaqstan quramasynyn' qorjyny tag'y bir medalmen tolyqty. Qazaqstandyq balwan Juldyz Es'imova erkin ku'resten ku'mis medal jen'ip aldy.
Azi'ia oyyndary aqparattyq saytyndag'y derekke sa'ykes, 53 kelige deyingi salmaq da'rejesinde syng'a tu'sken Juldyz Es'imova aqtyq synda Soltu'stik Koreia o'kili Pak Iung Mi'den 11:0 esebimen jen'ilip, Qazaqstan qorjynyna ekins'i ku'mis ju'ldeni saldy.
I'ndonezi'iada o'tip jatqan Jazg'y Azi'ia oyyndarynyn' ekins'i ku'ni Qazaqstan quramasy jalpy esepte 5-s'i orynnan 11-s'i oryng'a syrg'yp ketti. Azi'ia oyyndarynyn' saytyndag'y medaldar esebi boyyns'a bu'gin ko's' bastag'an Qytay quramasy qarsylastarynan oq boyy ozyp ketken. Olardyn' ens'isinde 15 altyn, 12 ku'mis, 9  qola (36) medal bar. Ekins'i orynda 8 altyn, 11 ku'mis, 11 qola  (30) medal ens'ilegen japondyq sports'ylar kele jatsa, u'zdik u's'tikte 5 altyn, 9 ku'mis, 10 qola (24) medal jen'ip alg'an On'tu'stik Koreia sports'ylary kele jatyr. Al Qazaqstan sports'ylary 1 altyn, 2 ku'mis, 3 qola (6) medalmen 11-s'i orynda keledi.