Биыл агенттік тұтынушылық кредиттер нарығын тағы бір зерделеп шығады. Соның нәтижесінде қосымша талаптар енгізіледі.

«Соның ішінде сыйақы мөлшерлемесін шектеу шаралары да бар. Одан кейін микроқаржы мен коллекторлық ұйымдарды реттеу жағы да күшейтіледі», – деді Әбдірахманов сенат отырысында.

Оның айтуынша, соңғы екі жылдың ішінде 28 микроқаржы ұйымы мен 37 коллекторлық агенттіктің қызметі тоқтатылды.

«Биыл микроқаржы ұйымдары бойынша онлайн кредит беру мәселесіне баса назар аударылады. Бұр ретте кредит беру талаптары ғана емес, қарыз алатын адамдардың идентификациясына қатысты талаптар да күшейтіледі. Негізгі мақсат – алаяқтық жолмен кредит беру фактілеріне жол бермеу», – деп атап көрсетті Әбдірахманов.