Еліміздегі инвестициялық климатта жаңғыру байқалды
Елімізде соңғы 5-6 жылда инвестициялық климат жаңғырды. Сондықтан инвесторлар үшін Қазақстан қолайлы аймақ саналады.
Үкімет отырысынан соң тілшілермен кездескен «Қазақ инвест» ұлттық компаниясының басқарма төрағасы Сапарбек Тұяқбаев осылай деді. Жалпы осы кезге дейін елімізге тартылған инвестицияның үштен екісі мұнай-газ саласына тиесілі. Тиісінше, батыс өңірлерде инвестиция көлемі жоғары. Енді бұл көрсеткішті өзге аймақтарда арттыру көзделіп отыр. Ол үшін былтыр 2018-2022 жылдарға арналған жаңа стратегия қабылданды. Тиісті заңнамалар әзірленіп, «Қазақ инвест» ұлттық компаниясы құрылды. Аталған компания енді отандық және шетелдік кәсіпкерлердің иық түйістіре жұмыс істеп, өзара серіктестік орнатуына жағдай жасамақ.
Сапарбек Тұяқбаев, «Kazakh Invest» ҰК басқарма төрағасы:
- Біріншіден, біз кәсіпкерлерге инвесторларға қолдау керек кезде оны бөліп-жарып жатпаймыз, шетелдік немесе жергілікті деп. Кімде-кім инветиция салып жатса, жобасы болса толыққанды қолдау алады. Республика деңгейінде болсын ірі кәсіпкерлер, жергілікті өңірлік деңгейде болсын, жергілікті кәсіпкерлермен тығыз жұмыстарды бастадық. Олардың қандай да бір бастамасы ма, жобасы ма, қосымша инвестор қажетпе деген сияқты. Қажет болған жағдайда біз оларға жоба әзірлеуге көмектесеміз.
Пікір 1