"Uzdik IT Ustaz" олимпиадасынан жүлделі оралды

Қармақшы ауданы бойынша білім бөліміне қарасты N199 орта мектебінің информатика пәні мұғалімі Мырзабаев Асылбек Сұлтанбекұлы Информатика пәні мұғалімдеріне арналған Uzdik IT Ustaz 2026 республикалық олимпиадасының финалынан жүлделі III орын алып, "Қола медалімен" марапатталды.

27-29 сәуір аралығында Астана қаласында Uzdik IT Ustaz олимпиадасының қорытынды кезеңіне еліміздің 18 өңірі мен қалаларынан іріктеуден өткен информатика пәні мұғалімдері қатысқан.

Айта кетейік, Асылбек Сұлтанбекұлы бұл байқауға 2025 жылы да қатысып, республикалық кезеңінен қола жүлдегері атанған.
Республикадан жүлделі орын алған әріптесіміз Мырзабаев Асылбек Сұлтанбекұлын марапатымен құттықтаймыз!