Мектептердің оқу жылына дайындығы пысықталды
"AMANAT" партиясының «Бақытты отбасы» және «Кедергісіз келешек» жобалары аясында Қармақшы аудандық филиалы партиялық бақылау комиссия мүшелері және аудандық мәслихат депутаттары 2024-2025 жылына білім нысандарының дайындығы бойынша зерделеу жұмысын жүргізді.Мониторингтің мақсаты – мектептердің оқу жылына дайындығының жай-күйін анықтау, оқушылардың қауіпсіз және жайлы ортада білім алуына жағдай тудыру.
Жаңа оқу жылына дайындық барысы бойынша Жосалы кентіндегі №26 және №121 орта мектептердің жай-күйімен танысып, бірқатар мәселе бойынша ұсыныстар айтып, мектеп басшыларына балалардың қауіпсіздігіне ерекше ден қою керектігі ескертілді.
Сонымен қатар білім беру мекемелерінің талаптарға сай жабдықталуы мен жылу беру маусымына дайындығы да ескерілді, дабыл түймелері, турникеттер және басқа да өзекті мәселелер қозғалды.
