Италияда Рим империясы заманына тиесілі алтын теңгеге толы құмыра табылды

Италияның солтүстігіндегі Комо қаласында керемет олжа табылды.

Құрылыс жұмыстарының барысында Рим империясы заманына тиесілі алтын теңгеге толы құмыра шықты. Бір метр тереңдікте табылған көне ыдыста 300-ге тарта алтын ақша болған. Мәлім болғандай, құмыра бір жарым ғасырға жуық жер астында сақталған. Қазу жұмыстары кезінде көне ыдыс сәл бүлінген көрінеді. Оның сынған жерінен 37 теңге алынып, зертханаға тапсырылды. Көмбенің қалған бөлігі де тиісті сараптамаға жіберілді. Құмырадан бөлек, қазылған жерден үш түрлі зат табылды. Оның бірі алтын құйма. Археологтар құнды дүниенің Рим империясының дәулетті адамына тиесілі деген болжам жасады. Алтын табылған жерде құрылыс тоқтатылған. Енді онда археологтар қазба жұмыстарын жүргізбекші. Болжам бойынша алтын көмбенің құны миллиондаған еуроны құрайды.