EasyJet әуе компаниясының жолаушысы Австриядан Ирландияға ұшып бара жатқан кезінде түсініксіз суретті түсіріп алған.
9 мың метр биіктікте 30 жастағы Ник О'Донохью бұлттың үстінде кетіп бара жатқан үлкен роботқа ұқсайтын бейнені суретке түсірген, - деп хабарлайды Daily Mail. Ер адамның айтуынша, сұлбадан көлеңке түсіп тұрған.

Бұл сурет әлеуметтік желілерде тез таралып, миллиондаған лайк жинап үлгерді. Көпшілігі мұны "Темір алып" фантастикалық мультфильміндегі роботқа ұқсатты. Ал тағы біреулері Michelin компаниясының логотипін көріпті.

Пікір жазғандардың кейбірі мұны электр станциясының немесе зауыттың мұржасынан шыққан түтін дейді.