Қытайда 20 сағат бойы жұмыс істеген хирург операция үстінде ұйықтап қалды

Қытайлық хирург операция кезінде ұйықтап қалған.

Алайда ұйқыға кеткен хирургтің суретін көрген желі қолданушылары оған құрмет білдірген, деп хабарлайды «Хабар 24» Daily Mail сайтына сілтеме жасап.

Гуйян қаласындағы клиникада қаңтар айында жұмыс тым көп болып, дәрігерлер қызу жұмыс істеген. Луо Шанпенг есімді хирург 20 сағат бойы жұмыс істеп, 5 операция жасаған. Бөлімшеге қолын еттартқыш туралап өткен ер адам келген уақытта ол тағы бір операция өткізуге бел буады.

Алайда әбден шаршаған ол көз шырымын алмақ болып, операциялық үстелде ұйықтап кеткен. Медбике әріптесін суретке түсіріп алып, Қытайдағы WeChat әлеуметтік желісіне салған. Пікір білдіргендер хирурті құрмет тұтып, оның ауыр жұмысына тәнті болған.

Кейінірек Луо ол операцияны жасамағанда пациент қолынан айырылып қалатынын айтты. Сондай-ақ ол ұйқыға кетпес бұрын пациенттің қолын тігіп, қан айналымын ретке келтіру үшін бір қалыпта ұстап отырған.