Нью-Йоркте 2 жасар суретші қыз әлемді шеберлігімен таң қалдырып жатыр. Лола Джунның қылқаламы оның бойынан ұзын. Бірақ осыған қарамастан, бүлдіршін екі көрме ұйымдастырып үлгерді. Лоланың бойындағы дарынын ашқан Паджтим Османадж кішкене қыздың картиналарын әйгілі суретшілердің туындысымен байланыстырады. Бірақ екі арадағы ұқсастыққа қатысты нақты жауап таба алмай келеді. Ал кішкене қыздың туындылары үлкен сұранысқа ие. Екінші көрмеде Лоланың 32 картинасы сатып алынған.