АҚШ-та киізден басылған бұйымдар дүкені ашылды
Ұлыбританиялық суретші Люси Спарроу Калифорнияда қойдың жүнінен жасалған бұйымдар сататын дүкен ашты.
Бұл жерде тауарды қоятын сөреден бастап кассалық аппаратқа дейін киізден басылған. Лос-Анджелестің орталығында ашылған дүкенде 31 мыңнан аса тауар бар. Олардың әрқайсысы қолөнершінің қолынан ерекше ықыласпен жасалған.
Айта кету керек, естелік ретінде қолдануға болатын заттардың бағасы да қолжетімді.
Люси Спарроу, суретші:
- Маған ең маңыздысы – бұйымдардың қолжетімділігі. Осы дүкенді ашардағы негізгі идеялардың бірі – өнерге аса қызығушылық танытпайтын жандардың осында келіп, киізден жасалған бұйымдарды сатып алуы. Бұл дүкенге келген кез келген қонақ 30-50 доллар шамасында естеліктер сатып ала алады. Ешқандай көрмеде мұндай баға жоқ.
