Қытайда мыңдаған дрон аспанға ұшырылды

Шамдар мерекесіне орай Қытайдың оңтүстігіндегі Хайкоу қаласында мыңдаған дрон аспанға ұшырылды.

Осылайша тұрғындар әуеге көтерілген дрондардың жарық шоуын тамашалады. Түрлі-түсті шам орнатылған 1300 дрон 13 минут бойы аспанда қалықтап, 3D мүсіндер бейнесінде тізілді. Сондай-ақ Бейжіңде «Жабық қала» атауымен белгілі императорлар резиденциясы да есігін айқара ашты.

Айта кетерлігі, музей 94 жылда тұңғыш рет келушілер үшін кешкі мезгілде ашылды. Оны тегін тамашалаймын дегендердің саны көп болғаны соншалық, тіпті онлайн жүйе істен шықты. Айта кетерлігі, шамдар мерекесі Қытайдағы жаңа жылдық демалыстың соңғы күндерінде атап өтіледі.