Ғарыштағы қоқысты жинауға арналған Римув Дэбри атты құрылғы екінші сынақтан сәтті өтті. Британдық мамандардың айтуынша, бұл арнайы сүңгі арқылы орбитадағы нысандарды жерге түсіруге болады.

Сынақ кезінде құрылғы ғарыштағы арнайы панельді тесіп өткен. Жобаны Еуропалық комиссия ішінара қаржыландырып келеді. Бүгінде ғалымдардың есептеуінше ғарышта жеті мың тонна қоқыс бар. Оның қатарында ескі зондтар, кеме қирандылары тіпті ғарышкерлердің жоғалтып алған құралдары да бар.