Ағылшын инженерлері баулы найза көмегімен ғарышты қоқыстан тазартпақ

Ғарыштағы қоқыстарды жинаудың қиындығы жоқ.
Ағылшын инженерлерінің айтуынша, ол үшін тек теңіз жануарларын аулауға арналған баулы найза, арқан және тор сияқты құралдар болса жеткілікті. Ғарышкерлер олармен мерзімі өтіп, ашық кеңістікте қалқып жүрген құрылғыларды жинай алады. Тіпті Стивенидж қаласындағы зертхананың бірінде құрастырылған баулы найза қазір қолданысқа енген. Ұзындығы 1 жарым метрлік құрал салмағы 8 тоннаға жететін нысанды оп-оңай ұстайды. Мысалы, көлемі екіқабатты автобусқа пара-пар Envisat жерсерігін сүйрей алады.
Питер Ситил, Airbas Space ғарыш жүйесінің инженері:
– Қазір Envisat жерсерігін өзге қондырғыларға кедергі келтірмес үшін жолдан алып тастай алмаймыз. Өйткені ол істен шыққандықтан басқарылмайды. Бірақ бұл белгілі бір уақыты бар бомба секілді. Себебі оған басқа бір қоқыс келіп тисе, ол жарылады.
Ал ғалымдардың айтуынша, ғарыштың жерге жақын тұсында жерсерігінен бастап бұрандаға дейін мыңдаған тонна қоқыс бар. Мамандар олардың көбін осы баулы найзамен түйреп, одан ары арқанмен тартып алуға болады деп отыр.