Тайваньда шамдар фестивалі өтті

Тайваньда ай күнтізбесі бойынша өткен Жаңа жыл мерекесі шамдар фестивалімен аяқталды.

Халық қағаздан жасалынған түрлі түсті шамдарға өз арман-тілектерін жазып, оны көкке ұшырды. Тайваньдықтар доңыз жылынан тек жақсылық күтетіндерін айтады. Шара ұйымдастырушыларының айтуынша, халық әдетте өздері мен туған-туыстарына денсаулық, бақ-даулет тілейді. Ал қоршаған ортаны қорғаушылар болса бұл үрдіске үлкен сынмен қарайды. Айтуларынша, фестиваль аяқталысымен жан-жақтың барлығы қоқысқа толады. Осы жолы ұйымдастырушылар шарадан қалған қалдықтардың барлығы жиналып, қайта өңдеу зауытына тапсырылады дегенді алға тартады.