17 қарашадан бері француздар күндіз күлкіден, түнде тәтті тыныш ұйқыларынан айырылған. Бүкіл республиканы көтеріліс өрті шарпыды. Мемлекеттік жүйеге деген қарсылық па, жанармайдың бағасының көтерілуі ме әсер еткен, әзірге, белгісіз. Бір анығы – француздардың шыдамы шегіне жеткен. Бұл соңғы он жылдағы ең ауқымды халық наразылығы болғалы тұр. Шетелдік басылымдардың деректеріне сенсек, бүгінгі күні 110 адам жарақат алған. Оның  20-ы полиция қызметкерлері. 260 адам темір торға қамалыпты. Ақпаратты жеткізуді өзіне міндет 12 журналист зардап шеккен.