ЕО елдерінде пластик бұйымдарына тыйым салынуы мүмкін

Еуроодақ елдерінің тұрғындарына пластик ыдысы, коктейль ішетін түтікшелер мен мақта талшықтарын пайдалануға тыйым салынуы мүмкін, деп хабарлайды «Хабар 24».
Еуропарламент депутаттарының басым бөлігі бір реттік пластик бұйымдарына тыйым салуға дауыс берген. Енді одаққа мүше елдердің парламенттері тиісті заңдарды қабылдап, оны Еурокомиссия мақұлдауы керек. Осыдан кейін бұл заң күшіне енеді. Экологтардың есебінше, жыл сайын Еуроодақ аумағынан мұхитқа шамамен 100 мың тонна пластик түседі. Ал олардың ыдырау мерзімі – жүз жыл.
Фредерике Рие, Еуропарламент депутаты:
– 65 жылдан кем мерзімде 8 миллиард тонна пластик өнідірілген, оның алты миллиарды қалдыққа түскен. 4 миллиардтан астамы Еуропада шығарылған. Мұхиттарымыз қоқыс орнына айналып, құрып барады.
Кармену Велла, ЕО қоршаған орта бойынша комиссары:
– Нұсқау белгіленген бір ретік пластик бұйымдарына тыйым салуға бағытталған. Олардың орнына қолдануға болатын балама өнімдер бар және бағасы да қолжетімді. Ал орнын толтыруға келмейтін бұйымдардың қолданылуын едәуір азайтуымыз керек.