Косово полициясы жолды дрондармен бақылауға көшті
Косово полициясы жол ережесін бұзушылармен күресу үшін квадракоптерлерді пайдалана бастады.
Құқық қорғау органының мәлімдеуінше, жаңа жүйе заңбұзушыларды анықтауға тиімді. Мысалы дрондармен қызыл мен екі жолақты кесіп өтетіндерді бірден байқап, жазып алуға болады. Жалпы елде қаңтар айынан бері жол ережесін бұзғандарға жаза қатаңдатылған. Себебі жол-көлік апаты жиілеп, қайғылы оқиғалар көбейген.
Керим Хетеми, полиция сержанты:
- Мұндай шараның басты мақсаты – жол-көлік апатын азайту. Бұл ретте жаңа жүйе өзінің тиімділігін көрсетіп отыр. Себебі азаматтар енді полиция кезкелген жолды бақылауында ұстап, заң бұзушыларды тез анықтай алатынын біледі.
24.kz
