Зерттеушілер әлемдегі ең бақытсыз елді анықтады. Олар ең бақытсыз ел Орталық Африка республикасы деген қорытынды шығарған. Себебі мұнда түрлі топтар арасындағы әскери қақтығыстардың себебінен он мыңдаған адам өз үйлерін тастап кеткен.

 

Орталық Африка Республикасы зорлық-зомбылықты көп көрген 11 елдің қатарына енген. Бұл елдердің барлығы Африкада Сахарадан оңтүстікке қарай орналасқан.

 

Бақытсыздық рейтингінде екінші орында 59% көрсеткішімен Ирак тұр. Одан кейін Оңтүстік Судан (55% бақытсыз халық), Мысыр (47%) және Иран (45%).

 

Ал ең бақытты елдердің көшін Латын Америкасы елдері бастаған. Ең бақытты үштік: Парагвай (85% халық), Колумбия және Сальвадор (82%).

 

Социологтардың деректері бойынша 2017 жылы әлемдегі бақыттылық деңгейі соңғы он жылдықтағы ең төменгі деңгейде болған. Күйзеліс, үрей билеген адамдар саны артуда.

 

Дереккөз: КорреспонденТ reactor.inform.kz