Соңғы 50 жылда қол жеткізілген өркениеттегі жетістіктерге қарамастан, Жер шары тұрғындарының сауатсыздық деңгейі төмен күйінде қалып отыр, деп хабарлайды Анадолы агенттігі.

ЮНЕСКО-ның берген мәліметтеріне қарағанда, әлемде 750 миллион адам не оқуды, не жазуды білмейді. Соның үштен екісі - әйелдер.

Сауат ашпаған адамдардың 45 пайызы Оңтүстік Азияда өмір сүреді. 27 пайызы «Қара Африка» (Сахара шөлінен оңтүстікке қарай), 10 пайызы Шығыс және Оңтүстік-Шығыс Азия, 9 пайызы Солтүстік Африка және Батыс Азия, төрт пайызы Латын Америкасы мен Кариб бассейні елдерінің үлесінде.

ЮНЕСКО Статистика институтының мәліметінше, соңғы кездері сауаттылық деңгейінің ең жоғары өсімі Шығыс және Оңтүстік Азия, Солтүстік және Батыс Африка елдерінде байқалған.

Атап айтқанда, Оңтүстік Азия тұрғындарының сауаттылық деңгейі 1990-2016 жылдар аралығында 46 пайыздан 72 пайызға дейін, Солтүстік Африка мен Батыс Азияда 64 пайыздан 81 пайызға дейін көтерілген.

Шығыс және Оңтүстік-Шығыс Азияда бұл көрсеткіш бұрынғы 82 пайыздың орнына 96 пайызға жетіп отыр, ал Африканың Сахарадан оңтүстікке қарай орналасқан елдерінде 52 пайыздан 65 пайызға дейін өскен.

Сонымен қатар сарапшылар ерлерге қарағанда әйелдер арасында сауатсыздық деңгейінің жоғары екендігін атап көрсетеді. Соңғы деректер бойынша, сауатсыздардың 59 пайызы - әйелдер.

inform.kz