Чехияда өтіп жатқан волынка орындаушыларының фестиваліне мыңнан аса өнерпаз жиналды
Чехияның Страконице қаласында волынка орындаушыларының халықаралық фестивалі ашылды.
Биыл оған қатысушылар саны рекорд орнатқан. 18 елден 1100 жеке орындаушы мен 20 ансамбль келді. 50 жылдан аса тарихы бар фестиваль 26 тамызға дейін жалғасады. Қатысушылардың айтуынша, волынка жан-жақты аспап, онымен халық музыкасын, классиканы тіпті рокты да орындауға болады. Ертең музыканттар Страконице қаласының көшелерінде шерумен өтеді.
Алваро Руо Мoнcа, Nova Yara ансамблінің жетекшісі:
– Бірге ойнап жүргенімізге 15 жыл болды, ал Страконицедегі фестивальға алтыншы рет келіп отырмыз. Бізге осы жердің қонақжайлығы және мейрамның керемет ұйымдастырылуы ұнайды.
24.kz
