Space X келесі көктемде ғарышқа экипаж ұшырады

«Спейс Икс» 7 жыл бұрын шаттлдардың жабылуынан бері бірінші рет өзінің Крю Драгон экипажымен таныстырды.
Жоспар бойынша қазір дайындықтан өтіп жатқан 9 ғарышкердің төртеуі келесі жылдың көктемінде орбитаға ұшырылады. Спейс Икстің президенті және атқарушы директоры Гвинн Шотвелл барлық қауіпсіздік шаралары толығымен қамтамасыз етілмей, тәуекелге бел буа алмайтынын жеткізді.
Мамандардың айтуынша, осы пилоттық жоба сәтті өтсе, бұл жеке сектордың халықаралық ғарыш станциясына экипаж жіберуіне жол ашады. Айта кету керек, мұндай жобаны қазіргі таңда тек қана  Роскосмос өзінің «Союз» әуе кемесімен жүзеге асырып келеді.
Боб Бенкен, ғарышкер:
- Осы пилоттық жоба негізіндегі экипаждың орбитадан Америка жеріне оралуы үлкен жетістік болмақ. Мен Ғарышкерлер Басқармасында қызмет етіп жүргенімде «Союздың» ұшырылу сәтін бақылауға біздің қызметкерлерді арнайы Байқоңырға жиі жіберіп отыратынбыз. Осы тәжірибе алдағы жоба кезінде септігін тигізеді деп сенемін.