Үндістанда толассыз жауыннан 26 адам ажал құшты
Үндістанның Керала штатында болған су тасқыны мен лай көшкіні салдарынан 26 адам көз жұмды.
Толассыз жауын сәрсенбі күні басталып, әлі тоқтамай тұр. Жазық аймақта орналасқан елді мекендердің барлығы топан су астында қалды. Жергілікті билік табиғи апаттан құрбан болғандар саны артуы мүмкін дейді. Штаттың бас министрі Пинарайи Виджаян тұрғындарды қауіпсіз аймаққа көшіру үшін арнайы әскери жасақтың жіберілуін сұрады. Жергілікті билік халықтан қауіпсіздік шараларын сақтауды сұрады. Аймақта құтқару жұмыстары жүріп жатыр.
