GTA VI ойын индустриясының рекордын жаңартты: бір тәулікте қанша табыс тапты?
Grand Theft Auto VI (GTA VI) әлемдегі ойын-сауық өнімдері арасында сатылым бойынша рекорд орнатты, деп хабарлайды Egemen.kz.
Take-Two Interactive компаниясының мәліметінше, ойынның 19 қарашадағы релизінен кейінгі алғашқы тәулікте сатылған көшірмелерінің бөлшек саудадағы жалпы құны 3,79 млрд долларға жеткен.
Компания бұл соманың баспагердің таза табысы емес екенін атап өтті.
Сондай-ақ Take-Two Interactive дерегінше, ойын ресми түрде жарыққа шыққанға дейін оның 32,5 млн данасы сатылған.
Салыстыру үшін, 2013 жылы жарық көрген GTA V алғашқы тәулікте шамамен 800 млн доллар табыс әкелген еді. Осылайша, GTA VI алғашқы күнгі сатылым көрсеткіші бойынша алдыңғы бөлігінен бірнеше есе асып түсті.









