Toyota, Tesla, BYD: 2024 жылы әлемде ең көп сатылған жеңіл көліктердің рейтингі жарияланды
2024 жылдың қаңтар-қазан айлары аралығында әлемде ең көп сатылған көліктердің тізімі жарияланды. Осы аралықта әлем бойынша 68,8 миллион көлік сатылыпты, бұл 2023 жылдың дәл сол кезеңіндегі көрсеткіштен 1,5%-ға көп. Бұл туралы Stan.kz ақпарат агенттігі Focus2Move агенттігіне сілтеме жасап хабарлайды.
Көп сатылған модельдер рейтингінде Toyota Corolla, Tesla Model Y и Toyota RAV4 көш бастап тұр. Ал алғашқы ондықта келесі модельдер бар:
- Toyota Corolla – 901,99 мың сатылым (2023 жылдың қаңтар-қазан айындағы көрсеткіштен -1,5%);
- Toyota Corolla – 865,87 мың сатылым (-6,5%);
- Toyota RAV4 – 836,26 мың сатылым (+13,7%);
- Ford F-Series – 733,75 мың сатылым (-1,3%);
- Honda CR-V – 601,37 мың сатылым (+5,9%);
- Chevrolet Silverado – 525,19 мың сатылым (-0,5%);
- Hyundai Tucson – 497,6 мың сатылым (-2,4%);
- Toyota Camry – 474,97 мың сатылым (-8,9%);
- Kia Sportage — 448,69 мың сатылым (+4,9%);
- BYD SONG — 442,28 мың сатылым (+42,2%).
Айта кетері, Toyota Corolla сатылым деңгейі бойынша алғаш рет рейтингте көш бастады. Бұған дейін тізімнің алғашқы орнында Tesla Model Y болған.
Сондай-ақ тізімге алғаш рет қытайлық BYD SONG қосылды. Аталған көліктің сатылымы бірден 42 пайызға өскен. Осылайша алғашқы ондыққа енген бірінші қытайлық көлік болып отыр.
