Францияда балаларға әлеуметтік желіні қолдануға тыйым салатын заң күшіне енбейтін болды
Заңда пайдаланушылардың жасын тексеру механизмі де жеткілікті деңгейде нақты көрсетілмеген. Конституциялық кеңес мұндай талаптардың барлық қолданушыдан жасын растауды қажет ететінін және жеке өмірге қол сұғылмау құқығына қауіп төндіруі мүмкін екенін атап өтті.
Заңды Франция парламенті шілде айында мақұлдаған еді. Ол бойынша 15 жасқа толмаған балаларға әлеуметтік желілерде аккаунт ашуға тыйым салынуы керек болған, ал бұған дейін ашылған аккаунттар да кейін жабылуы тиіс еді.
Алайда Конституциялық кеңестің шешімі бұл бастамадан толық бас тарту дегенді білдірмейді. Президент Эмманюэль Макрон премьер-министр Себастьян Лекорнюға кеңестің ескертулерін ескере отырып, заңның жаңа нұсқасын әзірлеуді тапсырды. Франция билігі балаларды әлеуметтік желілердің ықтимал зиянды әсерінен қорғау мақсатындағы шектеуді сақтап қалмақ. Жаңа заң жобасын 2027 жылғы көктемге дейін қабылдау көзделіп отыр.
