Парижде 1910 жылы салынған қонақ үйі қайтадан ашылды

Қысы-жазы саяхатшылар легі бәсеңдемейтін Парижде әлі күнге дейін люкс санатындағы қонақ үйлер жетіспейді.
Осыған байланысты жақында 1910 жылы салынған  «Лютеция» қонақ үйі қайта ашылды. Бұл әйгілі орында кезінде Эрнест Хэмингуэй секілді танымал өнер және мәдениет қайраткерлері тоқта демалған. Бірақ Екінші дүниежүзілік соғыс кезінде немістердің штаб-пәтеріне содан соң босқындарды қабылдау орталығы болған. Ал жаңартылған қонақ үйде 184 жай және 47 люкс бөлмесі бар. Оны жаңғыртуға 4 жыл уақыт кетіп, 200 миллион еуро жұмсалған. Елдің туризм басқармасы «Лютецияның» қайта қолданысқа берілуі саяхатшылардың қатарын арттыра түсетініне сенімді.
Еске сала кетейік, 2015 жылғы лаңкестік Францияның туризм саласына үлкен нұқсан келтіріп, елге келетін шетелдік азаматтардың саны күрт азайып кеткен еді.
Вангелис Панайотис, туризм саласы бойынша сарапшы:
- Парижде салтанатқа лайық люкс қонақ үйлер қазір де жетіспейді. Бізде мұндай санаттағы бірнеше сарайлар бар. Бірақ Лондон, Мәскеу, Токио және Нью-Йорк секілді әлемдік экономикалық орталықтармен салыстырғанда әлі де артта қалып отырмыз. Сондықтан дамуға себеп жетерлік.