АҚШ визалық режимді жиі бұзған елдердің азаматтарына тұрақты кепілақы енгізеді
Фото: Depositphotos.com
АҚШ 3 тамыздан бастап 50 елдің азаматтарына қатысты тұрақты визалық кепілақы (визалық депозит) талап етуді енгізеді. 50 елдің ішінде тізімге Грузия, Қырғызстан, Тәжікстан және Өзбекстан енгізілген, деп хабарлайды Egemen.kz.
АҚШ-тың Мемлекеттік департаментінің мәлімдеуінше, бұл талап іскерлік және туристік B-1/B-2 визаларын рәсімдейтін, визалық режимді жиі бұзған елдердің азаматтарына қатысты қолданылады.
АҚШ билігі бұл шара арқылы визаларды заңсыз пайдалану және елде рұқсат етілген мерзімнен артық қалып қою жағдайларын азайтуды көздеп отыр.
