Жапонияда жер сілкінді: Дүмпулер қайталануы мүмкін
Фото: Ашық дереккөз
Жапонияның оңтүстік-батыс жағалауында магнитудасы 5,9 болатын жер сілкінісі тіркелді, деп жазады Egemen.kz.
Жапония метеорологиялық агенттігінің мәліметінше, жерасты дүмпулері жергілікті уақыт бойынша сағат 11:46-да болған. Эпицентрі Окинава префектурасындағы негізгі арал жағалауында, шамамен 50 шақырым тереңдікте орналасқан.
Жер сілкінісінің күші жапондық сейсмикалық қарқындылық шкаласы бойынша 7 балл деп бағаланды. Мұндай дүмпу кезінде адамдардың аяқта тік тұруы қиындап, заттар мен бекітілмеген жиһаздар құлауы мүмкін.
Мамандар алдағы бір апта ішінде, әсіресе жақын 2-3 күнде қайталама дүмпулер болуы ықтимал екенін ескертті.
Жергілікті билік пен полицияның мәліметінше, зардап шеккендер мен айтарлықтай қираулар тіркелмеген. Цунами қаупі жарияланған жоқ.
