Дәрігерлер де дәрменсіз: Үндістанда емі жоқ вирус тарады
Фото: pixabay.com
Үндістанның Калькутта қаласы маңында вакцинасы да, емі де жоқ Нипах вирусы өршіп жатыр, деп хабарлайды Egemen.kz.
The Economic Times басылымының мәліметінше, аталған вирусты жұқтырудың 5 дерегі Батыс Бенгалия штатында анықталған, олардың қатарында дәрігер, медбике және медициналық мекеме қызметкері бар. 5 деректің 3-еуі осы аптада тіркеліпті.
Сонымен бірге Калькутта маңындағы жеке ауруханада жұмыс істеген тағы 2 медбике жаңа жылдық мерекеден кейін бірден жұқтырған. Екеуінің де қызуы қатты жоғарылаған. Тыныс алуы қиындаған. Вирус жұқтырғандардың бірі комаға түскен.
Алдын ала болжам бойынша, ол талдау алынып үлгермей жатып қайтыс болған, ал вирусты науқасты емдеу кезінде жұқтырған болуы мүмкін.
