Қытайлық жүк таситын электрлі eVTOL ұшағы қалалар арасында ұшып, сынақтан өтіп жатыр
Фото: Видеодан скрин
Қытайда жасалған екі тонналық электрлік eVTOL ұшағы елдің оңтүстік-батысындағы Гуйчжоу провинциясының екі қаласы арасында төмен биіктікте жүк тасымалдады. Бұл туралы Stan.kz ақпарат агенттігі Еeuronews басылымына сілтеме жасап хабарлайды.
Guiyang Low-Altitude Industry Development Company компаниясы пайдаланатын бұл аппарат 40 минут ішінде 118 километр қашықтықты жүріп өтіп, жедел медициналық көмекке арналған дәрі-дәрмектер мен жергілікті ауыл шаруашылығы өнімдерін тасымалдады.
Сынақтың мақсаты – таулы өңірде төмен биіктікте ұшатын ұшақтар арқылы тұрақты жүк тасымалы жолдарын дамыту және жүк жеткізуді жеңілдету.
Ұшаққа ұшу-қону жолағы қажет емес және ол көміртекті шығарындылар шығармайды. Толығымен электр энергиясымен жұмыс істейтін бұл ұшақ тік көтеріліп-қона алады, яғни тікұшақ сияқты ұшып, қонады. Сонымен қатар әуе кемесі қатты дыбыс шығармайды.
