Пәкістанда толассыз жауған жауыннан 279 адам қаза тапты
Пәкістанда соңғы бір айда толассыз жауған жаңбыр салдарынан кемінде 279 адам қаза тауып, шамамен 700 адам түрлі жарақат алған, деп хабарлайды Egemen.kz Geo.tv дерегіне сілтеме жасап.
Ұлттық төтенше жағдайлар басқармасының мәліметінше, соңғы тәулікте елдің кейбір аймақтарына түскен жауын-шашын салдарынан тағы 8 адам қайтыс болған. Осылайша, жалпы қаза тапқандар саны 279-ға жеткен.
Елдің солтүстік-шығысындағы Пенджаб провинциясы табиғи апаттан қатты зардап шеккен. Мұнда 151 адамның қазасы тіркелген.
Сонымен қатар 1500-ден астам үй бүлініп, мүлікке айтарлықтай залал келген. Құтқару және қалпына келтіру жұмыстары жалғасып жатыр.
