Құрбан айт кезінде 16 мыңнан астам адам жарақат алған
Түркияда Құрбан айт мерекесі кезінде мал сою барысында 16 000-нан астам адам түрлі жарақат алған. Зардап шеккендердің басым бөлігі құрбандықты үй жағдайында шалғандар, деп хабарлайды Egemen.kz.
Елдің Денсаулық сақтау министрлігінің хабарлауынша, жарақаттардың көбі қолын пышақпен кесіп алу және ірі қараның астында қалу жағдайларына байланысты тіркелген.
Сонымен қатар, Түркияның Ішкі істер министрлігі айт күндері жол-көлік апаттарының көбейгенін атап өткен. Ел аумағында орын алған жол апаттарынан 26 адам қаза тауып, тағы 3500 адам жараланған.
Билік тұрғындарды қауіпсіздік ережелерін сақтауға және құрбан шалу рәсімін мамандардың көмегімен арнайы орындарда өткізуге шақырды.
