Түркіменстанда несиелері бар азаматтарға шетелге шығуына тыйым салынды. Шетелге жұмыс істепу үшін немесе қарыздарын жабу үшін несие алғандар енді елден шығарылмайтын болды. Бұл туралы Stan.kz ақпарат агенттігі Азаттық радиосына сілтеме жасап хабарлайды.

Балқан велаятының тұрғындары Ресей мен Түркияға рейстерге жіберілмеген. Олардың визалары болса да, төлқұжаттарын алып алған. Төлқұжатынан айырылған балқандықтар мұның себебін анықтау үшін Велаят көші-қон қызметі басқармасына жүгінген. Оларға банктегі несиені жауып, пайыздарды төлегеннен кейін ғана құжат қайтарылатыны айтылған. 

"Шетелге төлқұжат виза және басқа шығындарды жабу үшін барғысы келетін адамдар банктерден несие алады", - деді жұртшылық.  

Соңғы уақытта Түркіменстанда ауыл тұрғындарының саны артқан. Олардың шаруашылық жағдайы нашарлағандықтан  шетелге шығып табыс табу үшін алдымен несие алады екен. 

"Балқан велаятында жұмыссыздық өсуде. Табиғи апаттарды көбейіп, су тасқыны салдарынан егістік шықпай жатыр. Бұл көптеген адамдарды табыс көздерінен айырған. Осы себепті адамдар шетелге ақша табу үшін коммерциялық банктерден 20-30 мың манат несие алған", - дейді тағы бір дереккөз.

Алайда көші-қон қызметінің қызметкерлері жақында банктерден несие алған азаматтарға қоңырау шалып, төлқұжаттарын тапсыруды талап етуде.

Ақша табу мақсатында шетелге кетуге тырысатын Түркіменстан азаматтарының саны күн сайын артып келеді. Алайда сонымен бірге талаптар да артып, төлқұжаттар мен визаларды рәсімдеу қиындай түскен. Бұған дейін шетелге шығатын азаматтардан мемлекеттік мекемеде жұмыс істейтін және банктік несиелері жоқ туыстарынан кепілдік хаттар талап етілген. Бұл талап өткен жылдың тамыз айында енгізілді.

Сонымен қатар, шет мемлекеттердің визасын алу да қиынға соққан. Атап айтқанда, мысалы, Ашхабадтағы Түркия консулдығына түрік визасына өтініш беру үшін кем дегенде 18 анықтама беру керек.

Енді күн сайын ондаған азаматтар Ашхабад халықаралық әуежайында паспорттық бақылаудан өте алмай жатыр. Балқан велаятының көші-қон қызметі бұл жағдайға байланысты түсініктеме бермеді.